السلام عليكم ورحمة الله وبركاته
هذه القصيده غالباً ماتطلب وأحببت ان اوردها لكم هنا
وهي كانت رد على / ياسر التويجري عندما صرّح في إحدى لقائاته أنه
لايوجد شعراء في الجنوب وأن الشعر أساسا من موروث نجد !
صروف الدهر تبحث مـا خفينـا
وعلى ما تكـره النفـس تحدينـا
عثت فينـي ولا يامـن نشدنـي
قصيدي والشعـر كلّـه لعينـا :
طموحٍ لا سرى النسنـاس كنهـا
تمايـل مثـل غصـن الياسمينـا
الى منها طرت لي رحت أغنـي
أغني ياعـرب وش فـي يدينـا
ترى اللـي صابنـا هـذا مقـدّر
و ما في الغيب مكتـوب يجينـا
على الله واشتكي قولوا علـى الله
عسى اللي صابكـم مـا يبتلينـا
والا ياطارشي سمحـا دروبـك
توكـل دام عنـوك مـا عنيـنـا
هو بالـي وتـدري وش حدانـي
معـك طعـم السعـاده ماهتنينـا
عسى من ينقصر في شان ربـع
هيصوّب من شمال ومـن يمينـا
حشا يا نوم عينـي مـا نقصّـر
مـدام أنـا مـن العـزّ أغتذينـا
ومهمـا صـار ولاّ صـار ولاّ
على الدرب الوعر حنّـا ظرينـا
نطاول كـل راس وكـل هامـه
ونجعـل دربنـا القاسـي يلينـا
فلا نرضى الهزيمـه والظليمـه
ولغير القرم مـا نبـدي الكنينـا
نقاصـي مـن يقاصينـا وندمـح
ومـن لا ينغزالـه مـا غزينـا
علـى ماقـيـل اردد وأتمـثّـل
بقـول اللـي يظـد الطامعيـنـا
((ألا لا يجهلـن أحـدٌ عليـنـا
فنجهـل فـوق جهـل الجاهلينـا
أذا بلـغ الفطـام لنـا صـبـيّ
تخـرّ لـه الجبابـر ساجدينـا))
سخرت القاف وانـا لاسخرتـه
أعيف الهـزل واجيـب السمينـا
بحور الشعر تسبح فـي خيالـي
مراكبهـا تـشـوق الناظريـنـا
ولا به بحر جيت اشكي لـه ألاّ
يقول : أنت البحر شاطي ومينـا
وليده من ظنى .. يام ابن يصبـا
سليل ..جشم عويـن المستعينـا
على .. سلمان ومن ترثة محمّـد
صلايب ..هامل الحصن الحصينا
قطنّا فـي ذرى الـوادي المنـزّه
في ارضٍ عزّها البـاري ربينـا
تظـم أطهـر بنـي آدم وحـوى
عسى الله يحفظه من كـل شينـا
نحبّـه حـب ومــن الله وبالله
نلبّـي للنـدا لا مــن دعيـنـا
نعاهـد لـه ولا نخفـي ولانـا
من أرض العان الى أرض العدينا
بدارٍ لاحتمـت مـن دون أهلـه
انسوق الروح ما نرضى الهوينـا
على أطهر أرض لا واستغفر الله
مـن البهتـان والزيـف اللعينـا
على رابع ثـلاث مـن المدايـن
ترعرعنـا , تعلمنـا , نشيـنـا
تعلمنـا نوالـي مــن يـوالـي
تعلّيـنـا المعـالـي واعتليـنـا
من الصوبين جـات ونحمـد الله
رحيـمٍ خصّنـا .. دنيـا ودينـا
رقينـا النايلـه رتبـه برتـبـه
وجـات النايلـه مـنّـا وفيـنـا
تحالفنـا القبايـل مـن مخـافـه
وخطانا مايجي من حـن صفينـا
ولكـن لابـدا يلـعـب بذيـلـه
نعـدّي الأولــه : ولا بديـنـا
وندرى الثانيـه : لامـن ثناهـا
وعنـد الثالـثـه : لا مانثنيـنـا
نلحقهـا خطـا الأولـى وناخـذ
بثالثهـا وإذا استوفـى وفيـنـا
نوردها القصا مـن شـان زلّـه
ونسمـح لابغينـا فـي دميـنـا
ابيّنهـا لمـن يخطـي ويرضـى
علينا بالخطـى حـن مارضينـا
يبطـن كلمتـه وادري بـسـرّه
وحنّـا مـا نبـطّـن لاحكيـنـا
بعد ماقلت ابكتـب لـك ياباشـا
(ترى الذكرى تفيـد الذاكرينـا)
لو الصحّاف غرّر فـي كذوبـه
كذوبـه... مايمشيـهـا عليـنـا
مدامـه جاهـلٍ عـنّـا فينـشـد
وأهالي .. نجد تدري وش خذينا
بسحر القـول كـم قلنـا وطلنـا
وكم صلنـا وجلنـا كـم سبينـا
ولاياكـم سلبنـا كــم غلبـنـا
وهذي دعوة ( الحـق المبينـا )
فلا يكسـر لنـا والـي ورايـه
ولم تكسـر ولايـة مـن ولينـا
وعن خطبة عكاظ ومـن خطبـه
اسوى قس ابن ساعـده الفطينـا
عطيتك موجز من أشيـا كثيـره
اخفـيـهـا واداري لاتبـيـنـا
إذا تقـدر تواجهـنـا نـواجـه
نجـي ونـرد كيـد الكايديـنـا
وإذا هرج القفى اقصى جهـودك
تـرى ماهمّنـا مــن يقتفيـنـا
مذمّه كـان جاتـك مـن مغفّـل
تزيـدك شـان وذا أكبـر يقينـا
( لاّنـه مايـذم أهـل المكـارم
سوى اللـي للمكـارم فاقدينـا )
عقب بينت لـك فانـت المخيّـر
قبـل ماتزيـد بلّتـهـا بطيـنـا
تعدتـك المـراجـل والفعـايـل
وعن مثلـك وهرجـه مادرينـا
تقـول ولاتعـرف اللـي تقولـه
تقـول انّـا حوينـا واحتويـنـا
آظنّك تحسب الدعـوى حكـاوي
مثل عدنان مـع عبسـي ولينـا
لا بالله حن هـل النالـه وهلـه
امهـي بكـذوب ذا علـم يقينـا
نداولهـا علـى مــر اليـالـي
كأنها ماثله منّا....... إلينـا ...؟
الخميس فبراير 21, 2008 2:09 am
